ବଗୁଲା ଭକ୍ତି
💥ଚାରୁବାଳା-ଚାରୁପାଣି-ଚଖା- ଚାତୁର୍ଯ୍ୟ💥 'ଚାରୁବାଳା-ଚାରୁପାଣି' ଖାଉ ଥାଏ ଗଦାଧର ମହାରଣା। ପ୍ରମୋଦ-ପଣ୍ଡିତ-ପଶି-ଅଛି ଏବେ ହୋଇ ଯାଇ ବାଟ-ବଣା।।୧ ଭାଗବତ-ଭୋଗ ବାଣ୍ଟି ଖାଉଛନ୍ତି ନିୟଣ୍ଟ କେବେ ନ ହୁଏ। ଏକମାତ୍ର ଥାଳି ଅନେକ ଖିଆଳି, ପ୍ରସାଦ ଅଇଁଠା ନୁହେଁ।।୨ ରାମଚରିତରେ ରାସ-ରସ ମିଶି ବିଶେଷ ସୁଆଦ ଦିଏ। ତା' ସଙ୍ଗରେ ଦେଶୀ-ବିଦେଶୀ-ମିଶିଲେ, ପଣା-ପାଣି କିଏ ପିଏ? ।।୩ ବଢ଼େଇ ନିଜର ବଡାଇ ଦେଖାଇ ବଢ଼ାଇ ଥିଲା ସମୂହ । ଏବେ ଯବନିକା ଖୋଲି ଗଲା ପରେ ଦେଖାଇ ନପାରେ ମୁହଁ।।୪ କୁଶୀଳବଙ୍କର କୁଶୀଳତା-ଲତା ଏବେ ଯାଉ ଅଛି ଶୁଖି। ମୁଖକୁ ମୁଖର ତେଣୁ କରିଛନ୍ତି ସତ୍ୟ-ତାପ-ତପ୍ତ ଦୁଃଖୀ।।୫ ଶାଣିତ-କୃପାଣ-ସମ ଏ କବିତା, ଛିଡେ ବ୍ୟଭିଚାର ମୁଣ୍ଡ। ଆପାତ ସଙ୍କେତ ମାତ୍ରେ ଖୋଲିଦିଏ ପାପୀ ନିଜ ପାପ-ତୁଣ୍ଡ।।୬ ଠାକୁର ଘରେ କି ଖସର-ଖସର? କଦଳୀ ଖାଉନି ନନା ! ଗୁପ୍ତାଙ୍ଗ ଗୋଟିକ ଫୁଟି ଦିଶୁ ଅଛି, ପିନ୍ଧୁ ପିନ୍ଧୁ ପାଟ କନା।।୭ ଅବଧୂତ-ଶବ୍ଦ-ବେତ୍ରାଘାତ ବାଜି ପାଖଣ୍ଡୀ ଖଣ୍ଡିତ-ଧୃତି। ଅଜାଣତେ ନିଜ ମୁଖେ ଗାନ କରେ ନିଜ-ବ୍ୟଭିଚାର କୃତି।।୮ ଅବଧୂତ ଜ୍ଞାନାନନ୍ଦ 👁️👁️👁️